حصريا : طريقة الترخيص والعمل للأطباء في الامارات / النظام الجديد 2017

القول السديد فى الترخيص الجديد :) :
1- كل تقارير الداتا فلو غير معتمدة داخل دبى ما عدا التقرير الصادرة من قطر و من الامارات ) عمان او السعودية غير معترف بيهم ...عن تجربتى الشخصية.


2- أسرع ترخيص هو دبى ,

لأن دبى سريعة فى كل شئ يتعلق بالمعاملات الحكومية.
3- أفضل طريقة للوظيفة ان حد يكون شغال فى مكان يجيبك غير كده الموضوع بياخد وقت.
4- مفيش تحويل لل Evaluation letter لازم يكون معاك رخصة نهائية و هى اللى بتتحول... و طبعا لو هتحولها لدبى هتم فى اقل من 3 ايام عمل فقط..انما بتطول شوية لو بتحولها للصحة او للهاد...
5- البحث عن وظيفة بياخد وقت طويل ممكن 6 شهور تقريبا او اكتر بقليل..
6- الفكرة هى انك تكون جاهز بالتراخيص علشان تكون جاهز للفرصة اما تيجى
7- لو ترخيصك جى بى و ناوى تكمل يبقى افضل حل هو انك تاهد الزمالة البريطانية فى طب الاسرة من دبى علشان تقدر تترقى بيها لاحقا و تقدر تشتغل فى المستشفيات الاجنبى داخل الامارات
8- أى تأخير فى الرد اثناء ترخيصك لازم تتصل بيهم بسرعة و تصبر لغاية اما مشكلتك تتحل.
9 تقرير الداتا فلو اللى معاك حتى لو قديم هينفع تستخدمة حتى لو فات عليه 6 شهور و لو كان فيه خبرات جديدة ليك مش موجودة فى تقرير الداتا فلو القديمة هتدفع فقط فلوس للداتا فلو علشان يضيفوها فى تقرير جديد و بالتالى بتبقى ارخص من انك اعمل تقرير داتا فلو من جديد
10- موضوع الcme مهم جدا متسيبش نفسك لاخر لحظة
11- الوظايف هتلاقيها فى دوبزل و الوسيط و موقع indeed بالاضافة انك تجيب مواقع الكترونية لكل المستشفيات و تقدم السى فى بتاعك فيها
12- قبل 3 سنين بعد post graduate لازم ترخيصك هيكون جى بى
13- البنات المتجوزين يدوروا فى المدارس و الحضانات part time ممكن يلاقوا شغل مريح بحيث انهم ياخدوا اولادهم معاهم فى الحضانات...
14- الجروب محتاج شوية نشاط و اهتمام من الناس اللى شغالة هنا بالفعل.
15- اسئلة المعادلة الامريكية الجزء التاتى اللى موجوده على موقغ usmle world تكفى لو ذاكرتها باذن الله فى امتحان ال جى بى للتراخيص التلاته فى الامارت
16- الامارات اعلى راتب فى كل دول الخليج بالنسبة للجى بى و افضل مكان للعيشة ايضا..


بواسطة ::  الزميل
Omar Eissa Habo‏ 

 رابطة الاطباء المصريين بالامارات

Share on Google Plus

About Rany Roga

د.عمار خليل : أخصائي أمراض الباطنة العامة ( ماجستير القصر العيني ) وعضو الجمعية المصرية للتعليم الطبي المستمر والجمعية المصرية للسكر ودهنيات الدم، نتابع أمراض الكبد والجهاز الهضمي ، أمراض القلب وضغط الدم
    Blogger Comment
    .fb-comments, .fb-comments span, .fb-comments iframe[style] { width: 100% !important; }

1 التعليقات :

  1. طيب ازاى أقدم لامتحان الهادي من على الموقع ولا فى أماكن للتقديم وبالنسبه للزماله المصريه أقدم بيها أخصائى ولا ايه

    ردحذف

تابع الدكتور عمار خليل في توتير

ابحث في المدونة عن اي موضوع تريد

جارٍ التحميل...